Home » » Belah Dada

Belah Dada

Written By Amoe Hirata on Jumat, 22 Januari 2016 | 16.08

            Kalo gue bikin judul kaya` gitu lo jangan ngeres dulu ya sob(sama sekali kagak ada hubungannye sama d*d* c*w*k). Masalahnya ga sedangkal itu. Belah dada nih ye –sumpah deh- masalah serius. Suer, gue kaga bo`ong. Kalo ga ada kejadian belah dada, ga yakin deh orang-orang pade selamet –dunia akherat- idupnye.
            Awalnya begini gan. Judul entu, gue dapet dari sirah nabi kite, Muhammad s.a.w. Judul Arabnye gini, syaqqus shodri(belah dada). Kejadian yang ajib banget deh. Orang yang kagak punye iman, ga bakalan percaya deh ama kisah entu.
            Apa pentingnya coba` belah dada? Belah dada jadi penting sebenernye ga terletak pade ‘belah’ dan ‘dada’nye. Yang penting ntuh isinye: qolbu(ati). Belah dada cuman prosesnye. Allah mah gampang aje tanpa ngelakuin itu. Tapi ingat, yang namenye manusia kudu ngormati, ngejalanin proses.
            Nabi tuh ya dibelah dadanye sebanyak dua kali(ada juga yang ngomong lebih). Satu pas waktu masih bocah umur empat taon; terus yang kedua sebelum kejadian isra` mi`raj taon ke 11 ato 12 kenabian, intinye sebelum hijrah lah.
            Pentingnye belah dada ntuh gini. Pertama, setiap manusia ntuh dalem atinye ada haddhus syaithon(bagian ato kotoran setan). Kalo ntu dibersihkan, maka kecendrungan hidupnye mengarah pade kebaikan.
            Kedua, urusan ati nih penting banget. Kate nabi, orang yang bersih atinye maka semuanye bakal beres dah. Kalo rusak, kotor, abis tuh orang. Sebab idupnya bakal ngikutin hawa nafsu terus. Makenye, ati bersih itu dapet ngabkibati orang jadi sehat.
            Ketiga, bukan cuman ntu. Orang nih ya kalo sudah bersih atinye, maka gampang banget online sama Tuhan. Ringan ngelakuin ape aje yang diperintah, sesame manusia pun penuh belas kasih, hati jadi lapang dan kuncup bunga cinta akan bermekaran(cie-cie).
            Keempat, ga bakal bise jadi pemimpin amanah orang yang atinye kaga bersih. Sebab, orang yang atinye kotor, akan lebih berat pada nafsu ketimbang qolbu.
            Kelima, Allah itu nur(Maha Pemilik Cahaya), cahayaNya ga bakal nyampe ke ati manusia kalo atinya kotor. Pengen idup lo bersinar, bersiin wadah ati lo, supaye cahaya Allah bise masuk ke dalem ati lo.
            Makenye, molai sekarang belah dada lo! ‘Lho kok dibelah?’ Maksud gue, bersiin tuh lo punye ati. Isi dengan tazkiyatun pembersihan, penyucian. Tugas nabi kan di antaranya, ngebersiin jiwa umatnye.
            Kalo ati lo bebas dari virus, terus diinstal ama instalan program(maksud gue Qur`an ama Hadits) dari Tuhan, gue yakin deh, lo bakal menjadi manusia keren, ajib banget deh pokoknya.
            Jalan, langkah, dan gerak lo bakal diarahkan Tuhan. Kalo tuhan yang ngarahin, dijamin lo ga bakal tersesat. Ga perlu capek-capek nyari. Ga gagal paham, ga bingung, ga galau dan ga ga yang lainnye.
            Rasul aje –orang suci kayak begitu-, masih harus dibersiin atinye, apalagi kite-kite? Kotor banget pastinye kan ya`? Makenye, mulai detik ini ayo dicicil deh. Bikin program cleaneng servis hati. Kalo hardwer jasad lo pingin baik, maka bersiin tuh softwar ati lo. Dijamin makjleb slamet dunia akhirat.
            Kunci idup nih ye: selame lo dalemannye bersih, insyaallah luaran lo bakal enjoy, nyaman, wenak tenan. Sama orang enak, sama Tuhan enak. Sip dah pokoknya. Tapi tau ga apa inti dari tulisanku? Intinye satu: Wallohu a`lam bis showab.

            Minum jus tomat, hari rebo. Cius amat sih BRO(heheh), moga manfaat ye. Da aku mah apa atuh.
Share this article :

0 komentar:

Speak up your mind

Tell us what you're thinking... !

 
Copyright © 2011. Amoe Hirata - All Rights Reserved
Maskolis' Creation Published by Mahmud Budi Setiawan